Resurrection

Open Tomb

Matthew 28:2-4; Luke 24:3; Mark 16:5; Matthew 28:5-6

2 Behold, there was a great earthquake, for the Lord’s angel descended from Heaven, neared to roll the stone from the door, and was sitting on it. 3 His appearance was like lightning, and his clothes were white as snow. 4 From fear of him, those guarding were disturbed and were like the dead.

ב ܘܗܳܐ ܙܰܘܥܳܐ ܪܰܒ݁ܳܐ ܗܘܳܐ ܡܰܠܰܐܟ݂ܳܐ ܓܷ݁ܝܪ ܕ݁ܡܳܪܝܳܐ ܢܚܷܬ݂ ܡܷܢ ܫܡܰܝܳܐ ܘܰܩܪܷܒ݂ ܥܰܓܷ݁ܠ ܟܻ݁ܐܦ݂ܳܐ ܡܷܢ ܬ݁ܰܪܥܳܐ ܘܝܳܬ݂ܷܒ݂ ܗ̱ܘܳܐ ܥܠܷܝܗ܂ ג ܐܻܝܬ݂ܰܘܗ̱ܝ ܗ̱ܘܳܐ ܕܷ݁ܝܢ ܚܷܙܘܷܗ ܐܰܝܟ݂ ܒ݁ܰܪܩܳܐ ܘܰܠܒ݂ܽܘܫܷܗ ܚܷܘܳܪ ܗ̱ܘܳܐ ܐܰܝܟ݂ ܬ݁ܰܠܓ݁ܳܐ܂ ד ܘܡܷܢ ܕܷ݁ܚܠܬ݂ܷܗ ܐܷܬ݁ܬ݁ܙܻܝܥܘ ܐܰܝܠܷܝܢ ܕ݁ܢܳܛܪܻܝܢ ܗ̱ܘܰܘ ܘܰܗܘܰܘ ܐܰܝܟ݂ ܡܻܝ̈ܬ݂ܷܐ ܂

3 They entered but did not find the body of Jesus.

5 They saw a young man sitting on the right, wrapped in a stole, and were amazed.

ג ܘܥܰܠܷܝܢ ܘܠܳܐ ܐܷܫܟ݁ܚܳܝܗ̱ܝ ܠܦ݂ܰܓ݂ܪܳܐ ܕ݁ܝܷܫܽܘܥ܂

ה ܘܰܚܙܰܝ ܥܠܰܝܡܳܐ ܕ݁ܝܳܬ݂ܷܒ݂ ܡܷܢ ܝܰܡܻܝܢܳܐ ܘܰܥܛܻܝܦ݂ ܐܷܣܛܠܳܐ ܚܷܘܳܪܬ݁ܳܐ ܘܰܬ݂ܡܰܗ܂

5 The angel answered and said to the women, “Do not fear, for I know you seek Jesus crucified. 6 He is not here, for he has risen, as he said. Come and see the place where our Lord was placed.”

ה ܥܢܳܐ ܕܷ݁ܝܢ ܡܰܠܰܐܟ݂ܳܐ ܘܷܐܡܰܪ ܠܢܷܫܷ̈ܐ ܐܰܢ̱ܬܷ݁ܝܢ ܠܳܐ ܬܷ݁ܕ݂ܚܠܳܢ ܝܳܕ݂ܰܥ ܐ̱ܢܳܐ ܓܷ݁ܝܪ ܕ݁ܰܠܝܷܫܽܘܥ ܕܷ݁ܐܙܕ݁ܩܷܦ݂ ܒ݁ܳܥܝܳܢ ܐܢ̱ܬܷ݁ܝܢ܂ ו ܠܳܐ ܗܘܳܐ ܬ݁ܢܳܢ ܩܳܡ ܠܷܗ ܓܷ݁ܝܪ ܐܰܝܟ݁ܰܢܳܐ ܕܷ݁ܐܡܰܪ ܬ݁ܳܐܝܷܝܢ ܚܙܳܝܷܝܢ ܕ݁ܽܘܟ݁ܬ݂ܳܐ ܕ݁ܣܻܝܡ ܗ̱ܘܳܐ ܒ݁ܳܗ ܡܳܪܰܢ܂

Women at the Tomb

Luke 24:4-7; Matthew 28:7; Luke 24:8; Matthew 28:8; Mark 16:8

4 And while they were amazed at this, here two men had stood above them, their clothes glittering. 5 They were in fear and bowed their face down to the earth. They said to them, “Why do you seek the living with the dead? 6 He is not here. He rose. Remember what he told you while he was in Galilee. 7 He said, ‘The Son of Man is to be betrayed into the hands of sinners, be crucified, and on the third day rise.’

ד ܘܰܗܘܳܐ ܕ݁ܟ݂ܰܕ݂ ܗܷܢܷܝܢ ܬ݁ܰܡܻܝܗܳܢ ܥܰܠ ܗܳܕ݂ܷܐ ܗܳܐ ܬ݁ܪܷܝܢ ܓ݁ܰܒ݂ܪܻ̈ܝܢ ܩܳܡܘ ܠܥܷܠ ܡܷܢܗܷܝܢ ܘܡܰܒ݂ܪܷܩ ܗ̱ܘܳܐ ܠܒ݂ܽܘܫܗܽܘܢ܂ ה ܘܰܗܘܰܝ ܒ݁ܕ݂ܷܚܠܬ݂ܳܐ ܘܰܟ݂ܦ݂ܰܝ ܐܰܦ݁̈ܰܝܗܷܝܢ ܒ݁ܰܐܪܥܳܐ ܘܳܐܡܪܻܝܢ ܠܗܷܝܢ ܡܳܢܳܐ ܒ݁ܳܥܝܳܢ ܐܢ̱ܬܷ݁ܝܢ ܚܰܝܳܐ ܥܰܡ ܡܻܝ̈ܬ݂ܷܐ ܂ ו ܠܰܝܬ݁ܰܘܗ̱ܝ ܬ݁ܢܳܢ ܩܳܡ ܠܷܗ ܥ̱ܗܰܕ݂ܷܝܢ ܕ݁ܡܰܠܷܠ ܥܰܡܟ݂ܷܝܢ ܟ݁ܰܕ݂ ܗܽܘ ܒ݁ܰܓ݂ܠܻܝܠܳܐ܂ ז ܘܷܐܡܰܪ ܗ̱ܘܳܐ ܕ݁ܰܥܬ݂ܻܝܕ݂ ܗ̱ܘ ܒ݁ܪܷܗ ܕ݁ܐ̱ܢܳܫܳܐ ܕ݁ܢܷܫܬ݁ܠܷܡ ܒܻ݁ܐܝ̈ܕ݂ܰܝ ܐ̱ܢܳܫܳܐ ܚܰܛܳܝܷ̈ܐ ܘܢܷܨܛܠܷܒ݂ ܘܠܰܬ݂ܠܳܬ݂ܳܐ ܝܰܘ̈ܡܻܝܢ ܢܩܽܘܡ܂

7 “Go quickly say to his disciples, ‘He is risen from among the dead. Look, he goes before you into Galilee. There you shall see him.’ Behold, I have told you.”

8 They had remembered his words.

8 They went fast from the tomb with fear and great joy and ran to tell the disciples.

ז ܘܙܷܠܷܝܢ ܒ݁ܰܥܓ݂ܰܠ ܐܷܡܰܪܷܝܢ ܠܬ݂ܰܠܡܻܝ̈ܕ݂ܰܘܗ̱ܝ ܕ݁ܩܳܡ ܡܷܢ ܒܷ݁ܝܬ݂ ܡܻܝ̈ܬ݂ܷܐ ܘܗܳܐ ܩܳܕ݂ܷܡ ܠܟ݂ܽܘܢ ܠܰܓ݂ܠܻܝܠܳܐ ܬ݁ܰܡܳܢ ܬܷ݁ܚܙܽܘܢܳܝܗ̱ܝ ܗܳܐ ܐܷܡܪܷܬ݂ ܠܟ݂ܷܝܢ܂

ח ܘܗܷܢܷܝܢ ܐܷܬ݁ܕ݁ܟ݂ܰܪܷܝܢ ܠܡܷ̈ܠܰܘܗ̱ܝ܂

ח ܘܷܐܙܰܠ ܥܓ݂ܰܠ ܡܷܢ ܩܰܒ݂ܪܳܐ ܒ݁ܕ݂ܷܚܠܬ݂ܳܐ ܘܰܒ݂ܚܰܕ݂ܽܘܬ݂ܳܐ ܪܰܒ݁ܬ݂ܳܐ ܘܪܳܗܛܳܢ ܕ݁ܢܻܐܡܪܳܢ ܠܬ݂ܰܠܡܻܝ̈ܕ݂ܰܘܗ̱ܝ܂

8 They were seized by astonishment and trembling and told no one anything, for they were afraid.

ח ܐܰܚܻܝܕ݂ ܗ̱ܘܳܐ ܠܗܷܝܢ ܓܷ݁ܝܪ ܬܷ݁ܗܪܳܐ ܘܰܪܬ݂ܻܝܬ݂ܳܐ ܘܰܠܐ̱ܢܳܫ ܡܷܕܷ݁ܡ ܠܳܐ ܐܷܡܰܪܷܝܢ ܕ݁ܰܚܻܝܠܳܢ ܗ̱ܘܰܝ ܓܷ݁ܝܪ܂

Mary Magdalene at the Tomb

John 20:2-17; Mark 16:9

2 Mary ran, came to Simon the Rock and that other disciple Jesus had loved, and said to them, “They took our Lord from the sepulchre, and I do not know where they have put him.” 3 Simon went out along with that other disciple, and they were coming to the sepulchre. 4 The two were running together, but that disciple outran Simon and came first to the tomb. 5 He looked forth, saw the linens laid, but did not indeed go in. 6 Simon came after him, entered the sepulcher, and saw the linens laid. 7 The sudarium that was bound on his head was not with the linens but was wrapped and placed aside in a certain place. 8 Then that disciple that came first to the sepulchre entered, saw, and believed. 9 For they did not yet know from the scriptures he was to rise from the dead. 10 Those two disciples again went to their place. 11 But Mary stayed at the tomb weeping, and while weeping, she looked into the tomb. 12 She saw two angels sitting in white: one of them at his pillow, and the other at his feet where the body of Jesus was placed. 13 They said to her, “Woman, why do you weep?” She said to them, “They have taken my Lord, and I know not where they have put him.” 14 She had said that, turned behind her, saw Jesus standing, and did not know it was Jesus. 15 Jesus said to her, “Woman, why do you weep? Whom do you seek?” She supposed him to be the gardener and said, “My lord, if you have taken him, tell me where you have placed him so I may take him.” 16 Jesus said to her, “Mary.” She turned and said to him in Hebrew, “Rabbuli,” which is to say, “Teacher.” 17 Jesus said to her, “Do not approach me, for I have not ascended yet to my Father. Go to my brethren and say to them, ‘I am ascending to my Father and your Father, my God and your God.’”

ב ܘܪܷܗܛܰܬ݂ ܐܷܬ݂ܳܬ݂ ܠܘܳܬ݂ ܫܷܡܥܽܘܢ ܟܻ݁ܐܦ݂ܳܐ ܘܰܠܘܳܬ݂ ܗܰܘ ܬ݁ܰܠܡܻܝܕ݂ܳܐ ܐ̱ܚܪܻܢܳܐ ܕ݁ܪܳܚܷܡ ܗ̱ܘܳܐ ܝܷܫܽܘܥ ܘܳܐܡܪܳܐ ܠܗܽܘܢ ܕ݁ܫܰܩܠܽܘܗ̱ܝ ܠܡܳܪܰܢ ܡܷܢ ܗܰܘ ܒܷ݁ܝܬ݂ ܩܒ݂ܽܘܪܳܐ ܘܠܳܐ ܝܳܕ݂ܥܳܐ ܐ̱ܢܳܐ ܐܰܝܟ݁ܳܐ ܣܳܡܽܘܗ̱ܝ܂ ג ܘܰܢܦ݂ܰܩ ܫܷܡܥܽܘܢ ܘܗܰܘ ܬ݁ܰܠܡܻܝܕ݂ܳܐ ܐ̱ܚܪܻܢܳܐ ܘܳܐܬ݂ܷܝܢ ܗ̱ܘܰܘ ܠܒ݂ܷܝܬ݂ ܩܒ݂ܽܘܪܳܐ܂ ד ܘܪܳܗܛܻܝܢ ܗ̱ܘܰܘ ܬ݁ܪܰܝܗܽܘܢ ܐܰܟ݂ܚܕ݂ܳܐ ܗܰܘ ܕܷ݁ܝܢ ܬ݁ܰܠܡܻܝܕ݂ܳܐ ܪܗܷܛ ܩܰܕ݁ܡܷܗ ܠܫܷܡܥܽܘܢ ܘܷܐܬ݂ܳܐ ܩܰܕ݂ܡܳܝܳܐ ܠܒ݂ܷܝܬ݂ ܩܒ݂ܽܘܪܳܐ܂ ה ܘܰܐܕ݂ܻܝܩ ܚܙܳܐ ܟܷ݁ܬ݁ܳܢܷ̈ܐ ܟ݁ܰܕ݂ ܣܻܝܡܻܝܢ ܡܷܥܰܠ ܕܷ݁ܝܢ ܠܳܐ ܥܰܠ܂ ו ܐܷܬ݂ܳܐ ܕܷ݁ܝܢ ܫܷܡܥܽܘܢ ܒ݁ܳܬ݂ܪܷܗ ܘܥܰܠ ܠܒ݂ܷܝܬ݂ ܩܒ݂ܽܘܪܳܐ ܘܰܚܙܳܐ ܟܷ݁ܬ݁ܳܢܷܐ ܟ݁ܰܕ݂ ܣܻܝܡܻܝܢ܂ ז ܘܣܽܘܕ݂ܳܪܳܐ ܗܰܘ ܕ݁ܰܚܙܻܝܩ ܗ̱ܘܳܐ ܒ݁ܪܻܫܷܗ ܠܳܐ ܥܰܡ ܟܷ݁ܬ݁ܳܢܷ̈ܐ ܐܷܠܳܐ ܟ݁ܰܕ݂ ܟ݁ܪܻܝܟ݂ ܘܣܻܝܡ ܠܰܣܛܰܪ ܒ݁ܰܚܕ݂ܳܐ ܕ݁ܽܘܟ݁ܳܐ܂ ח ܗܳܝܕܷ݁ܝܢ ܥܰܠ ܐܳܦ݂ ܗܰܘ ܬ݁ܰܠܡܻܝܕ݂ܳܐ ܕܷ݁ܐܬ݂ܳܐ ܩܰܕ݂ܡܳܝܳܐ ܠܒ݂ܷܝܬ݂ ܩܒ݂ܽܘܪܳܐ ܘܰܚܙܳܐ ܘܗܰܝܡܷܢ܂ ט ܠܳܐ ܓܷ݁ܝܪ ܥܕ݂ܰܟܻ݁ܝܠ ܝܳܕ݂ܥܻܝܢ ܗ̱ܘܰܘ ܡܷܢ ܟ݁ܬ݂ܳܒ݂ܷ̈ܐ ܕ݁ܰܥܬ݂ܻܝܕ݂ ܗ̱ܘܳܐ ܠܰܡܩܳܡ ܡܷܢ ܡܻܝ̈ܬ݂ܷܐ ܂ אי ܘܷܐܙܰܠܘ ܗܷܢܽܘܢ ܬ݁ܰܠܡܻܝ̈ܕ݂ܷܐ ܬ݁ܽܘܒ݂ ܠܕ݂ܽܘܟ݁ܰܬ݂ܗܽܘܢ܂ אא ܡܰܪܝܰܡ ܕܷ݁ܝܢ ܩܳܝܡܳܐ ܗ̱ܘܳܬ݂ ܠܘܳܬ݂ ܩܰܒ݂ܪܳܐ ܘܒ݂ܳܟ݂ܝܳܐ ܘܟ݂ܰܕ݂ ܒ݁ܳܟ݂ܝܳܐ ܐܰܕ݂ܻܝܩܰܬ݂ ܒ݁ܩܰܒ݂ܪܳܐ܂ אב ܘܰܚܙܳܬ݂ ܬ݁ܪܷܝܢ ܡܰܠܰܐܟ݂ܷ̈ܐ ܒ݁ܚܷܘܳܪܷ̈ܐ ܕ݁ܝܳܬ݂ܒܻ݁ܝܢ ܚܰܕ݂ ܡܷܢ ܐܷܣ̈ܳܕ݂ܰܘܗ̱ܝ ܘܚܰܕ݂ ܡܷܢ ܪܷ̈ܓ݂ܠܰܘܗ̱ܝ ܐܰܝܟ݁ܳܐ ܕ݁ܣܻܝܡ ܗ̱ܘܳܐ ܦ݁ܰܓ݂ܪܷܗ ܕ݁ܝܷܫܽܘܥ܂ אג ܘܳܐܡܪܻܝܢ ܠܳܗ ܐܰܢ̱ܬ݁ܬ݂ܳܐ ܡܳܢܳܐ ܒ݁ܳܟ݂ܝܳܐ ܐܰܢ̱ܬ݁ܝ ܐܳܡܪܳܐ ܠܗܽܘܢ ܕ݁ܫܰܩܠܽܘܗ̱ܝ ܠܡܳܪܝ ܘܠܳܐ ܝܳܕ݂ܥܳܐ ܐ̱ܢܳܐ ܐܰܝܟ݁ܳܐ ܣܳܡܽܘܗ̱ܝ܂ אד ܗܳܕ݂ܷܐ ܐܷܡܪܰܬ݂ ܘܷܐܬ݂ܦ݁ܰܢܝܰܬ݂ ܠܒ݂ܷܣܬ݁ܪܳܗ ܘܰܚܙܳܬ݂ ܠܝܷܫܽܘܥ ܕ݁ܩܳܐܷܡ ܘܠܳܐ ܝܳܕ݂ܥܳܐ ܗ̱ܘܳܬ݂ ܕ݁ܝܷܫܽܘܥ ܗ̱ܘ܂ אה ܐܳܡܰܪ ܠܳܗ ܝܷܫܽܘܥ ܐܰܢ̱ܬ݁ܬ݂ܳܐ ܡܳܢܳܐ ܒ݁ܳܟ݂ܝܳܐ ܐܰܢ̱ܬ݁ܝ ܘܰܠܡܰܢ ܒ݁ܳܥܝܳܐ ܐܰܢ̱ܬ݁ܝ ܗܻܝ ܕܷ݁ܝܢ ܣܷܒ݂ܪܰܬ݂ ܕ݁ܓ݂ܰܢܳܢܳܐ ܗܽܘ ܘܳܐܡܪܳܐ ܠܷܗ ܡܳܪܝ ܐܷܢ ܐܰܢ̱ܬ݁ ܫܩܰܠܬ݁ܳܝܗ̱ܝ ܐܷܡܰܪ ܠܻܝ ܐܰܝܟ݁ܳܐ ܣܳܡܬ݁ܳܝܗ̱ܝ ܐܻܙܰܠ ܐܷܫܩܠܻܝܘܗ̱ܝ܂ או ܐܳܡܰܪ ܠܳܗ ܝܷܫܽܘܥ ܡܰܪܝܰܡ ܘܷܐܬ݂ܦ݁ܰܢܝܰܬ݂ ܘܳܐܡܪܳܐ ܠܷܗ ܥܷܒ݂ܪܳܐܝܻܬ݂ ܪܰܒ݁ܽܘܠܻܝ ܕ݁ܡܷܬ݂ܷܐܡܰܪ ܡܰܠܦ݂ܳܢܳܐ܂ אז ܐܳܡܰܪ ܠܳܗ ܝܷܫܽܘܥ ܠܳܐ ܬܷ݁ܬ݂ܩܰܪܒ݂ܻܝܢ ܠܻܝ ܠܳܐ ܓܷ݁ܝܪ ܥܕ݂ܰܟܻ݁ܝܠ ܣܷܠܩܷܬ݂ ܠܘܳܬ݂ ܐܳܒ݂ܝ ܙܷܠܝ ܕܷ݁ܝܢ ܠܘܳܬ݂ ܐܰܚ̈ܰܝ ܘܷܐܡܰܪܝ ܠܗܽܘܢ ܣܳܠܷܩ ܐ̱ܢܳܐ ܠܘܳܬ݂ ܐܳܒ݂ܝ ܘܰܐܒ݂ܽܘܟ݂ܽܘܢ ܘܰܐܠܳܗܝ ܘܰܐܠܳܗܟ݂ܽܘܢ܂

9 On Sunday morning, he rose and appeared first to Mary Magdalene, from whom he had cast out seven demons.

ט ܒ݁ܫܰܦ݂ܪܳܐ ܕܷ݁ܝܢ ܒ݁ܚܰܕ݂ ܒ݁ܫܰܒ݁ܳܐ ܩܳܡ ܘܷܐܬ݂ܚܙܻܝ ܠܽܘܩܕ݂ܰܡ ܠܡܰܪܝܰܡ ܡܰܓ݂ܕ݁ܠܳܝܬ݁ܳܐ ܗܳܝ ܕ݁ܫܰܒ݂ܥܳܐ ܫܻܐܕ݂ܻ̈ܝܢ ܐܰܦܷ݁ܩ ܗ̱ܘܳܐ ܡܷܢܳܗ܂

Disbelief

Matthew 28:11-15; John 20:18; Matthew 28:8-10; Luke 24:9; Mark 16:10; Luke 24:10; Mark 16:11

11 When they were going, some of those centurions came to the city and told the chief priests of all that was. 12 They gathered with the elders, took counsel, gave quite a bit of money to the centurions, 13 and said to them, “Say, ‘His disciples came and stole him at night while we were sleeping.’ 14 If this was hear by the governor, we will persuade him and you we are taking pains.” 15 They, having taken the money, did as they taught them, and this word spread among the Judeans to this day.

18 Then Mary Magdalene came and evangelized to the disciples she had seen our Lord and what he said to her.

8 The women ran to tell his disciples. 9 Behold, Jesus met them and said to them, “Peace to you.” They neared, held his feet, and worshipped him. 10 Then Jesus said to them, “Do not fear, but go tell my brethren to go to Galilee, and there they shall see me.”

9 They returned from the tomb and told this to the eleven and the rest.

10 She had went evangelizing all those mourning and weeping that were with him.

10 It was Mary Magdalene, Joanna, Mary the mother of James, and the rest with them who told the apostles. 11 These words appeared in their eyes as madness.

11 They, having heard them say he was alive and had appeared to them, did not believe them.

אא ܟ݁ܰܕ݂ ܐܷܙܰܠܷܝܢ ܕܷ݁ܝܢ ܐܷܬ݂ܰܘ ܐ̱ܢܳܫܳܐ ܡܷܢ ܩܷܣܛܽܘܢܳܪܷ̈ܐ ܗܳܢܽܘܢ ܠܰܡܕ݂ܻܝܢ̱ܬ݁ܳܐ ܘܷܐܡܰܪܘ ܠܪ̈ܰܒ݁ܰܝ ܟ݁ܳܗ̈ܢܷܐ ܟ݁ܽܠ ܡܷܕܷ݁ܡ ܕ݁ܰܗܘܳܐ܂ אב ܘܷܐܬ݂ܟ݁ܰܢܰܫܘ ܥܰܡ ܩܰܫܻܝ̈ܫܷܐ ܘܰܢܣܰܒ݂ܘ ܡܷܠܟ݁ܳܐ ܘܝܰܗ̱ܒ݂ܘ ܟܷ݁ܣܦ݁ܳܐ ܠܳܐ ܙܥܽܘܪ ܩܷܣܛܽܘܢܳܪܷ̈ܐ܂ אג ܘܳܐܡܪܻܝܢ ܠܗܽܘܢ ܐܷܡܰܪܘ ܕ݁ܬ݂ܰܠܡܻܝ̈ܕ݂ܰܘܗ̱ܝ ܐܷܬ݂ܰܘ ܓ݁ܰܢܒ݁ܽܘܗ̱ܝ ܒ݁ܠܻܠܝܳܐ ܟ݁ܰܕ݂ ܕ݁ܰܡܟܻ݁ܝܢ ܚ̱ܢܰܢ܂ אד ܘܷܐܢ ܐܷܫܬ݁ܰܡܥܰܬ݂ ܗܳܕ݂ܷܐ ܩܕ݂ܳܡ ܗܻܓ݂ܡܽܘܢܳܐ ܚܢܰܢ ܡܦܻ݁ܝܣܻܝܢ ܚ̱ܢܰܢ ܠܷܗ ܘܰܠܟ݂ܽܘܢ ܕ݁ܠܳܐ ܨܷܦ݂ܬ݂ܳܐ ܥܳܒ݂ܕܻ݁ܝܢ ܚ̱ܢܰܢ܂ אה ܗܷܢܽܘܢ ܕܷ݁ܝܢ ܟ݁ܰܕ݂ ܢܣܰܒ݂ܘ ܟܷ݁ܣܦ݁ܳܐ ܥܒ݂ܰܕ݂ܘ ܐܰܝܟ݂ ܕ݁ܰܐܠܷܦ݂ܘ ܐܷܢܽܘܢ ܘܢܷܦ݂ܩܰܬ݂ ܡܷܠܬ݂ܳܐ ܗܳܕ݂ܷܐ ܒܷ݁ܝܬ݂ ܝܻܗܽܘ̈ܕ݂ܳܝܷܐ ܥܕ݂ܰܡܳܐ ܠܝܰܘܡܳܢܳܐ܂

אח ܗܳܝܕܷ݁ܝܢ ܐܷܬ݂ܳܬ݂ ܡܰܪܝܰܡ ܡܰܓ݂ܕ݁ܠܳܝܬ݁ܳܐ ܘܣܰܒ݁ܪܰܬ݂ ܠܬ݂ܰܠܡܻܝ̈ܕ݂ܷܐ ܕ݁ܰܚܙܳܬ݂ ܠܡܳܪܰܢ ܘܰܕ݂ܗܳܠܷܝܢ ܐܷܡܰܪ ܠܳܗ܂

ח ܘܪܳܗܛܳܢ ܕ݁ܢܻܐܡܪܳܢ ܠܬ݂ܰܠܡܻܝ̈ܕ݂ܰܘܗ̱ܝ܂ ט ܘܗܳܐ ܝܷܫܽܘܥ ܦ݁ܓ݂ܰܥ ܒ݁ܗܷܝܢ ܘܷܐܡܰܪ ܠܗܷܝܢ ܫܠܳܡ ܠܟ݂ܷܝܢ ܗܷܢܷܝܢ ܕܷ݁ܝܢ ܩܪܷܒ݂ ܐܷܚܰܕ݂ ܪܷ̈ܓ݂ܠܰܘܗ̱ܝ ܘܰܣܓ݂ܷܕ݂ܷܝܢ ܠܷܗ܂ אי ܗܳܝܕܷ݁ܝܢ ܐܷܡܰܪ ܠܗܷܝܢ ܝܷܫܽܘܥ ܠܳܐ ܬܷ݁ܕ݂ܚܠܳܢ ܐܷܠܳܐ ܙܷܠܷܝܢ ܐܷܡܰܪܷܝܢ ܠܰܐܚ̈ܰܝ ܕ݁ܢܻܐܙܽܠ̱ܘܢ ܠܰܓ݂ܠܻܝܠܳܐ ܘܬ݂ܰܡܳܢ ܢܷܚܙܽܘܢܳܢܝ܂

ט ܘܰܗܦ݂ܰܟ݂ ܡܷܢ ܩܰܒ݂ܪܳܐ ܘܷܐܡܰܪܷܝܢ ܗܳܠܷܝܢ ܟ݁ܽܠܗܷܝܢ ܠܰܚܕ݂ܰܥܣܰܪ ܘܰܠܫܰܪܟ݁ܳܐ܂

אי ܘܗܻܝ ܐܷܙܰܠ̱ܬ݂ ܣܰܒ݁ܪܰܬ݂ ܠܗܳܢܽܘܢ ܕ݁ܥܰܡܷܗ ܗ̱ܘܰܘ ܕ݁ܰܐܒ݂ܻܝܠܻܝܢ ܗܘܰܘ ܘܒ݂ܳܟ݂ܷܝܢ܂

אי ܐܻܝܬ݂ܰܝܗܷܝܢ ܗ̱ܘܰܝ ܕܷ݁ܝܢ ܡܰܪܝܰܡ ܡܰܓ݂ܕ݁ܠܳܝܬ݁ܳܐ ܘܝܽܘܚܰܢ ܘܡܰܪܝܰܡ ܐܷܡܷܗ ܕ݁ܝܰܥܩܽܘܒ݂ ܘܫܰܪܟ݁ܳܐ ܕ݁ܥܰܡܗܷܝܢ ܗܳܠܷܝܢ ܕܷ݁ܐܡܰܪ ܗ̱ܘܰܝ ܠܰܫܠܻܝ̈ܚܷܐ܂ אא ܘܷܐܬ݂ܚܙܻܝ ܒ݁ܥܰܝܢܰܝܗܽܘܢ ܡܷܠܷܐ ܗܳܠܷܝܢ ܐܰܝܟ݂ ܫܳܢܝܳܬ݂ܳܐ

אא ܘܗܷܢܽܘܢ ܟ݁ܰܕ݂ ܫܡܰܥܘ ܕ݁ܳܐܡܪܳܢ ܕ݁ܚܰܝ ܘܷܐܬ݂ܚܙܻܝ ܠܗܷܝܢ ܠܳܐ ܗܰܝܡܷܢܘ ܐܷܢܷܝܢ܂

Road to Emmaus

Luke 24:13-35; Matthew 16:13

13 Now two of them that day were going to the village named Emmaus, sixty stadiums from Jerusalem. 14 They were talking with each other about all these things that happened. 15 And while they were talking and inquiring with each other, Jesus came, reached them, and walked with them. 16 But their eyes were shut so they did not recognize him. 17 He said to them, “What are these words you are telling one another walking and depressed?” 18 One of them, named Cleophas, answered and said to him, “Are you maybe by yourself a stranger to Jerusalem, since you do not know what was in it these days?” 19 He said to them, “What?” They said to him, “About Jesus, who was from Nazareth, a man who was a prophet and mighty in word and deeds before God and before all of the people. 20 The chief priests and elders rendered him a death sentence and crucified him. 21 We supposed he was the one who was to save Israel. Behold, it has been three days since all of this has been. 22 But the women among us also amazed us for they were first to the sepluchre, 23 and when they did not find his body, they came to tell us they had seen angels there who said he was alive. 24 Some of us also went to the sepulchre and found it as the women had said but did not see him.”

אג ܘܗܳܐ ܬ݁ܪܷܝܢ ܡܷܢܗܽܘܢ ܒܷ݁ܗ ܒ݁ܝܰܘܡܳܐ ܐܳܙܻܠ̱ܝܢ ܗ̱ܘܰܘ ܠܰܩܪܻܝܬ݂ܳܐ ܕ݁ܰܫܡܳܗ ܥܷܡܰܐܘܽܣ ܘܦ݂ܰܪܻܝܩܳܐ ܡܷܢ ܐܘܽܪܻܫܠܷܡ ܐܷܣ̈ܛܕ݂ܰܘܳܬ݂ܳܐ ܫܬܻ݁ܝܢ܂ אד ܘܗܷܢܽܘܢ ܡܡܰܠܠܻܝܢ ܗ̱ܘܰܘ ܚܰܕ݂ ܥܰܡ ܚܰܕ݂ ܥܰܠ ܗܳܠܷܝܢ ܟ݁ܽܠܗܷܝܢ ܕ݁ܰܓ݂ܕ݂ܰܫ܂ אה ܘܟ݂ܰܕ݂ ܗܷܢܽܘܢ ܡܡܰܠܠܻܝܢ ܘܒ݂ܳܥܷܝܢ ܚܰܕ݂ ܥܰܡ ܚܰܕ݂ ܐܷܬ݂ܳܐ ܗܽܘ ܝܷܫܽܘܥ ܘܡܰܛܻܝ ܐܷܢܽܘܢ ܘܰܡܗܰܠܷܟ݂ ܗ̱ܘܳܐ ܥܰܡܗܽܘܢ܂ או ܘܥܰܝ̈ܢܰܝܗܽܘܢ ܐܰܚܻܝܕ݂ܳܢ ܗܘܰܝ ܕ݁ܠܳܐ ܢܷܣܬ݁ܰܟ݁ܠܽܘܢܳܝܗ̱ܝ܂ אז ܘܷܐܡܰܪ ܠܗܽܘܢ ܡܳܢܳܐ ܐܷܢܷܝܢ ܡܷܠܷܐ ܗܳܠܷܝܢ ܕ݁ܰܡܡܰܠܠܻܝܢ ܐܢ̱ܬ݁ܽܘܢ ܚܰܕ݂ ܥܰܡ ܚܰܕ݂ ܟ݁ܰܕ݂ ܡܗܰܠܟ݂ܻܝܢ ܐܢ̱ܬ݁ܽܘܢ ܘܰܟ݂ܡܻܝܪܻܝܢ ܐܢ̱ܬ݁ܽܘܢ܂ אח ܥܢܳܐ ܚܰܕ݂ ܡܷܢܗܽܘܢ ܕ݁ܰܫܡܷܗ ܩܠܷܝܳܘܦ݁ܰܐ ܘܷܐܡܰܪ ܠܷܗ ܐܰܢ̱ܬ݁ ܗ̱ܘ ܟ݁ܰܝ ܒ݁ܰܠܚܽܘܕ݂ܰܝܟ݁ ܢܽܘܟ݂ܪܳܝܳܐ ܡܷܢ ܐܘܽܪܻܫܠܷܡ ܕ݁ܠܳܐ ܝܳܕ݂ܰܥ ܐܰܢ̱ܬ݁ ܡܷܕܷ݁ܡ ܕ݁ܰܗܘܳܐ ܒ݁ܳܗ ܒ݁ܗܳܢܽܘܢ ܝܰܘ̈ܡܳܬ݂ܳܐ܂ אט ܐܳܡܰܪ ܠܗܽܘܢ ܡܳܢܳܐ ܐܳܡܪܻܝܢ ܠܷܗ ܥܰܠ ܝܷܫܽܘܥ ܗܰܘ ܕ݁ܡܷܢ ܢܳܨܪܰܬ݂ ܓ݁ܰܒ݂ܪܳܐ ܕ݁ܰܗܘܳܐ ܢܒ݂ܻܝܳܐ ܘܚܰܝܠܬ݂ܳܢ ܗ̱ܘܳܐ ܒ݁ܡܷܠܬ݂ܳܐ ܘܒ݂ܰܥܒ݂̈ܳܕ݂ܷܐ ܩܕ݂ܳܡ ܐܰܠܳܗܳܐ ܘܰܩܕ݂ܳܡ ܟ݁ܽܘܠܷܗ ܥܰܡܳܐ܂ בי ܘܰܐܫܠܡܽܘܗ̱ܝ ܪ̈ܰܒ݁ܰܝ ܟ݁ܳܗ̈ܢܷܐ ܘܩܰܫܻܝ̈ܫܷܐ ܠܕ݂ܻܝܢܳܐ ܕ݁ܡܰܘܬ݁ܳܐ ܘܙܰܩܦ݁ܽܘܗ̱ܝ܂ בא ܚܢܰܢ ܕܷ݁ܝܢ ܣܳܒ݂ܪܻܝܢ ܗ̱ܘܰܝܢ ܕ݁ܗܽܘܝܽܘ ܥܬ݂ܻܝܕ݂ ܗ̱ܘܳܐ ܕ݁ܢܷܦ݂ܪܩܻܝܘܗ̱ܝ ܠܻܐܝܣܪܳܝܷܠ ܘܗܳܐ ܬ݁ܠܳܬ݂ܳܐ ܝܰܘ̈ܡܻܝܢ ܗܳܐ ܡܷܢ ܕ݁ܗܳܠܷܝܢ ܟ݁ܽܠܗܷܝܢ ܗܘܰܝ܂ בב ܐܷܠܳܐ ܐܳܦ݂ ܢܷܫܷ̈ܐ ܡܷܢܰܢ ܐܰܬ݂ܡܗܳܢ ܩܰܕܷ݁ܡ ܗ̱ܘܰܝ ܓܷ݁ܝܪ ܠܒ݂ܷܝܬ݂ ܩܒ݂ܽܘܪܳܐ܂ בג ܘܟ݂ܰܕ݂ ܠܳܐ ܐܷܫܟ݁ܰܚ ܦ݁ܰܓ݂ܪܷܗ ܐܷܬ݂ܰܝ ܐܳܡܪܳܢ ܠܰܢ ܕ݁ܡܰܠܰܐܟ݂ܷ̈ܐ ܚܙܰܝܢ ܬ݁ܰܡܳܢ ܘܳܐܡܪܻܝܢ ܥܠܰܘܗ̱ܝ ܕ݁ܚܰܝ ܗ̱ܘ܂ בד ܘܳܐܦ݂ ܐ̱ܢܳܫܳܐ ܡܷܢܰܢ ܐܷܙܰܠܘ ܠܒ݂ܷܝܬ݂ ܩܒ݂ܽܘܪܳܐ ܘܷܐܫܟ݁ܰܚܘ ܗܳܟ݂ܰܢܳܐ ܐܰܝܟ݂ ܡܳܐ ܕܷ݁ܐܡܰܪ ܢܷܫܷ̈ܐ ܠܷܗ ܕܷ݁ܝܢ ܠܳܐ ܚܙܰܘ܂

25 Then Jesus said to them, “Oh, you lacking in discernment and heart-heavy to believe in all the prophets spoke! 26 Was not this meant to be so the Messiah would suffer and enter into his glory?” 27 Explaining all the scriptures about himself to them, he began from Moses and from all the prophets. 28 They were nearing that village where they were going, and he made them suppose as if he was going to a distant place. 29 They pressed him and said to him, “Stay with us because the day has now declined to darkness.” And he entered to abide with them. 30 It was when he reclined with them, he took bread, blessed, broke, and gave it to them. 31 At once their eyes were opened, they knew him, and he was taken from them. 32 They said to each other, “Was not our heart heavy within us, while he was speaking with us on the way and explaining the scriptures to us?” 33 They rose at that hour, returned to Jerusalem, and found the eleven gathered and those with them 34 saying, “Truly our Lord is risen and has appeared to Simon.” 35 They also recounted what happened on the way and how he was known by them when he broke bread.

13 They did not believe them.

בה ܗܳܝܕܷ݁ܝܢ ܐܷܡܰܪ ܠܗܽܘܢ ܝܷܫܽܘܥ ܐܳܘ ܚܰܣܻܝܪ̈ܰܝ ܪܷܥܝܳܢܳܐ ܘܝܰܩܻܝܪ̈ܰܝ ܠܷܒ݁ܳܐ ܠܰܡܗܰܝܡܳܢܽܘ ܒ݁ܟ݂ܽܠܗܷܝܢ ܐܰܝܠܷܝܢ ܕ݁ܡܰܠܷܠܘ ܢܒ݂ܻܝܷ̈ܐ܂ בו ܠܳܐ ܗ̱ܘܳܐ ܗܳܠܷܝܢ ܥܬ݂ܻܝܕ݂ ܗܘܳܐ ܕ݁ܰܢܣܰܝܒ݁ܰܪ ܡܫܻܝܚܳܐ ܘܰܕ݂ܢܷܥܽܘܠ ܠܬ݂ܷܫܒ݁ܽܘܚܬܷ݁ܗ܂ בז ܘܫܰܪܻܝ ܗ̱ܘܳܐ ܡܷܢ ܡܽܘܫܷܐ ܘܡܷܢ ܟ݁ܽܠܗܽܘܢ ܢܒ݂ܻܝܷ̈ܐ ܘܰܡܦ݂ܰܫܷܩ ܗ̱ܘܳܐ ܠܗܽܘܢ ܥܰܠ ܢܰܦ݂ܫܷܗ ܡܷܢ ܟ݁ܽܠܗܽܘܢ ܟ݁ܬ݂ܳܒ݂ܷ̈ܐ܂ בח ܘܰܩܪܷܒ݂ܘ ܗ̱ܘܰܘ ܠܰܩܪܻܝܬ݂ܳܐ ܗܳܝ ܕ݁ܳܐܙܻܠ̱ܝܢ ܗ̱ܘܰܘ ܠܳܗ ܘܗܽܘ ܡܰܣܒ݁ܰܪ ܗ̱ܘܳܐ ܠܗܽܘܢ ܕ݁ܰܐܝܟ݂ ܕ݁ܰܠܕ݂ܽܘܟ݁ܳܐ ܪܰܚܻܝܩܳܐ ܐܳܙܷܠ ܗ̱ܘܳܐ܂ בט ܘܰܐܠܨܽܘܗ̱ܝ ܘܳܐܡܪܻܝܢ ܠܷܗ ܦ݁ܽܘܫ ܠܘܳܬ݂ܰܢ ܡܷܛܽܠ ܕ݁ܝܰܘܡܳܐ ܗܳܫܳܐ ܪܟ݂ܷܢ ܠܷܗ ܠܡܷܚܫܰܟ݂ ܘܥܰܠ ܕ݁ܰܢܩܰܘܷܐ ܠܘܳܬ݂ܗܽܘܢ܂ גי ܘܰܗܘܳܐ ܕ݁ܟ݂ܰܕ݂ ܐܷܣܬ݁ܡܷܟ݂ ܥܰܡܗܽܘܢ ܢܣܰܒ݂ ܠܰܚܡܳܐ ܘܒ݂ܰܪܷܟ݂ ܘܰܩܨܳܐ ܘܝܰܗ̱ܒ݂ ܠܗܽܘܢ܂ גא ܘܡܷܚܕ݂ܳܐ ܐܷܬ݂ܦ݁ܰܬ݁ܰܚ ܥܰܝ̈ܢܰܝܗܽܘܢ ܘܷܐܫܬ݁ܰܘܕ݁ܥܽܘܗ̱ܝ ܘܗܽܘ ܐܷܫܬ݁ܩܷܠ ܠܷܗ ܡܷܢܗܽܘܢ܂ גב ܘܳܐܡܪܻܝܢ ܗ̱ܘܰܘ ܚܰܕ݂ ܠܚܰܕ݂ ܠܳܐ ܗ̱ܘܳܐ ܠܷܒ݁ܰܢ ܝܰܩܻܝܪ ܗ̱ܘܳܐ ܒ݁ܓ݂ܰܘܰܢ ܟ݁ܰܕ݂ ܡܡܰܠܷܠ ܥܰܡܰܢ ܒ݁ܽܐܘܪܚܳܐ ܘܰܡܦ݂ܰܫܷܩ ܠܰܢ ܟ݁ܬ݂ܳܒ݂ܷ̈ܐ܂ גג ܘܩܳܡܘ ܒ݁ܳܗ ܒ݁ܫܳܥܬ݂ܳܐ ܘܰܗܦ݂ܰܟ݂ܘ ܠܽܐܘܽܪܻܫܠܷܡ ܘܷܐܫܟ݁ܰܚܘ ܠܰܚܕ݂ܰܥܣܰܪ ܕ݁ܰܟ݂ܢܻܝܫܻܝܢ ܘܠܰܐܝܠܷܝܢ ܕ݁ܥܰܡܗܽܘܢ܂ גד ܟ݁ܰܕ݂ ܐܳܡܪܻܝܢ ܕ݁ܫܰܪܻܝܪܳܐܝܻܬ݂ ܩܳܡ ܡܳܪܰܢ ܘܷܐܬ݂ܚܙܻܝ ܠܫܷܡܥܽܘܢ܂ גה ܘܳܐܦ݂ ܗܷܢܽܘܢ ܐܷܫܬ݁ܰܥܻܝܘ ܐܰܝܠܷܝܢ ܕ݁ܰܗܘܰܝ ܒ݁ܽܐܘܪܚܳܐ ܘܰܐܝܟ݁ܰܢܳܐ ܐܷܬ݂ܻܝܕ݂ܰܥ ܠܗܽܘܢ ܟ݁ܰܕ݂ ܩܨܳܐ ܠܰܚܡܳܐ܂

אג ܠܳܐ ܠܗܳܢܽܘܢ ܗܰܝܡܷܢܘ܂

Upper Room

John 20:19; Luke 24:36-48; John 20:21-30

19 When it was evening of that Sunday, and the doors were shut where the disciples were out of fear of the Judeans,

אט ܟ݁ܰܕ݂ ܗܘܳܐ ܕܷ݁ܝܢ ܪܰܡܫܳܐ ܕ݁ܝܰܘܡܳܐ ܗܰܘ ܕ݁ܚܰܕ݂ ܒ݁ܫܰܒ݁ܳܐ ܘܬ݂ܰܪ̈ܥܷܐ ܐܰܚܻܝܕ݂ܻܝܢ ܗ̱ܘܰܘ ܕ݁ܰܐܝܟ݁ܳܐ ܕܻ݁ܐܝܬ݂ܰܝܗܽܘܢ ܗ̱ܘܰܘ ܬ݁ܰܠܡܻܝ̈ܕ݂ܷܐ ܡܷܛܽܠ ܕܷ݁ܚܠܬ݂ܳܐ ܕܻ݁ܝܗܽܘ̈ܕ݂ܳܝܷܐ

36 While they were speaking, Jesus rose among them and said to them, “Peace be with you. It is I. Do not fear.” 37 But they were alarmed and with fear, for they supposed they were seeing a ghost. 38 Jesus said to them, “Why are you agitated? What thoughts rise in your hearts? 39 See my hands and feet that it is I. Feel me, know a ghost has no flesh and bones as you see I have.” 40 When he had said this, he showed them his hands and feet. 41 As they were until now unbelieving from their joy and wondering, he said to them, “Do you have something here to eat?” 42 Then they gave him a portion of broiled fish and honeycomb. 43 He took it and ate before their eyes. 44 He said to them, “These are the words I spoke to you while I was with you: it is fitting everything should be fulfilled written in the law of Moses, the prophets, and psalms about me.” 45 Then he opened their mind to understand the scriptures. 46 He said to them, “So it is written and so it is just that the Messiah suffer and rise from among the dead in three days 47 so repentance for the forgiveness of sins might be preached in his name among all the peoples. The beginning shall be from Jerusalem. 48 And you shall be witnesses to this. 49 I will send upon you the promise of my Father.”

21 Jesus said to them again, “Peace be with you. As my Father sent me, I also send you.” 22 When he said this, he breathed on them and said to them, “Receive the Holy Spirit. 23 If you forgive someone’s sins, they shall be forgiven. If you hold someone’s, they are held.” 24 But Thomas, one of the twelve, called the twin, was not there with them when Jesus came. 25 The disciples said to him, “We saw our Lord.” But he said to them, “If I do not see in his hands the nails’ places, put my fingers in them, and stretch my hand over his side, I will not believe.” 26 After eight days, on Sunday, the disciples were inside and Thomas with them. Jesus came as the doors were shut, rose in the midst, and said to them, “Peace be with you.” 27 He said to Thomas, “Bring your finger here, see my hands, bring your hand here, stretch it over my side, do not be unfaithful, but faithful.” 28 Thomas replied and said to him, “My Lord and my God.” 29 Jesus said to him, “Now you have seen me, you are faithful. Blessed are they who did not see me and were faithful.” 30 Jesus had done many other signs before his disciples not written in this book. 31 But these are written also so you may believe in Jesus the Messiah, the Son of God, and once you are faithful, you may have in his name life forever.

גו ܘܟ݂ܰܕ݂ ܗܳܠܷܝܢ ܡܡܰܠܠܻܝܢ ܗ̱ܘܰܘ ܝܷܫܽܘܥ ܩܳܡ ܒ݁ܰܝܢܳܬ݂ܗܽܘܢ ܘܷܐܡܰܪ ܠܗܽܘܢ ܫܠܳܡܳܐ ܥܰܡܟ݂ܽܘܢ ܐܷܢܳܐ ܐ̱ܢܳܐ ܠܳܐ ܬܷ݁ܕ݂ܚܠܽܘܢ܂ גז ܘܗܷܢܽܘܢ ܐܷܬ݂ܪܗܷܒ݂ܘ ܘܰܗܘܰܘ ܒ݁ܕ݂ܷܚܠܬ݂ܳܐ ܣܳܒ݂ܪܻܝܢ ܗ̱ܘܰܘ ܓܷ݁ܝܪ ܕ݁ܪܽܘܚܳܐ ܚܳܙܷܝܢ܂ גח ܘܳܐܡܰܪ ܠܗܽܘܢ ܝܷܫܽܘܥ ܡܳܢܳܐ ܡܷܬ݁ܙܻܝܥܻܝܢ ܐܢ̱ܬ݁ܽܘܢ ܘܡܳܢܳܐ ܣܳܠܩܳܢ ܡܰܚܫ̈ܒ݂ܳܬ݂ܳܐ ܥܰܠ ܠܷܒ݁ܰܘ̈ܳܬ݂ܟ݂ܽܘܢ܂ גט ܚܙܰܘ ܐܻܝ̈ܕ݂ܰܝ ܘܪܷ̈ܓ݂ܠܰܝ ܕܷ݁ܐܢܳܐ ܐ̱ܢܳܐ ܓ݁ܽܘܫܽܘܢܳܢܝ ܘܕ݂ܰܥܘ ܕ݁ܰܠܪܽܘܚܳܐ ܒܷ݁ܣܪܳܐ ܘܓ݂ܰܪ̈ܡܷܐ ܠܰܝܬ݁ ܠܳܗ ܐܰܝܟ݂ ܕ݁ܚܳܙܷܝܢ ܐܢ̱ܬ݁ܽܘܢ ܕܻ݁ܐܝܬ݂ ܠܻܝ܂ די ܘܟ݂ܰܕ݂ ܗܳܠܷܝܢ ܐܷܡܰܪ ܚܰܘܻܝ ܐܷܢܽܘܢ ܐܻܝ̈ܕ݂ܰܘܗ̱ܝ ܘܪܷ̈ܓ݂ܠܰܘܗ̱ܝ܂ דא ܘܟ݂ܰܕ݂ ܥܕ݂ܰܡܳܐ ܠܗܳܫܳܐ ܠܳܐ ܡܗܰܝܡܢܻܝܢ ܗ̱ܘܰܘ ܡܷܢ ܚܰܕ݂ܘܰܬ݂ܗܽܘܢ ܘܡܷܬ݁ܬ݁ܰܡܗܻܝܢ ܗ̱ܘܰܘ ܐܷܡܰܪ ܠܗܽܘܢ ܐܻܝܬ݂ ܠܟ݂ܽܘܢ ܬ݁ܢܳܢ ܡܷܕܷ݁ܡ ܠܡܷܐܟ݂ܰܠ܂ דב ܗܷܢܽܘܢ ܕܷ݁ܝܢ ܝܰܗ̱ܒ݂ܘ ܠܷܗ ܡܢܳܬ݂ܳܐ ܡܷܢ ܢܽܘܢܳܐ ܕ݁ܛܰܘܝܳܐ ܘܡܷܢ ܟ݁ܰܟ݁ܳܪܻܝܬ݂ܳܐ ܕ݁ܕ݂ܷܒ݂ܫܳܐ܂ דג ܘܰܢܣܰܒ݂ ܐܷܟ݂ܰܠ ܠܥܻܢ̈ܰܝܗܽܘܢ܂ דד ܘܷܐܡܰܪ ܠܗܽܘܢ ܗܳܠܷܝܢ ܐܷܢܷܝܢ ܡܷ̈ܠܷܐ ܕ݁ܡܰܠܠܷܬ݂ ܥܰܡܟ݂ܽܘܢ ܟ݁ܰܕ݂ ܠܘܳܬ݂ܟ݂ܽܘܢ ܗ̱ܘܻܝܬ݂ ܕ݁ܘܳܠܷܐ ܗ̱ܘ ܕ݁ܢܷܫܬ݁ܰܠܰܡ ܟ݁ܽܠ ܡܷܕܷ݁ܡ ܕ݁ܰܟ݂ܬ݂ܻܝܒ݂ ܒ݁ܢܳܡܽܘܣܳܐ ܕ݁ܡܽܘܫܷܐ ܘܒ݂ܰܢܒ݂ܻܝܷ̈ܐ ܘܰܒ݂ܡܰܙܡܽܘܪܷ̈ܐ ܥܠܰܝ܂ דה ܗܳܝܕܷ݁ܝܢ ܦ݁ܬ݂ܰܚ ܪܷܥܝܳܢܗܽܘܢ ܠܡܷܣܬ݁ܰܟ݁ܳܠܽܘ ܟ݁ܬ݂ܳܒ݂ܷ̈ܐ܂ דו ܘܷܐܡܰܪ ܠܗܽܘܢ ܕ݁ܗܳܟ݂ܰܢܳܐ ܟ݁ܬ݂ܻܝܒ݂ ܘܗܳܟ݂ܰܢܳܐ ܙܳܕ݂ܷܩ ܗ̱ܘܳܐ ܕ݁ܢܷܚܰܫ ܡܫܻܝܚܳܐ ܘܕ݂ܰܢܩܽܘܡ ܡܷܢ ܒܷ݁ܝܬ݂ ܡܻܝ̈ܬ݂ܷܐ ܠܰܬ݂ܠܳܬ݂ܳܐ ܝܰܘ̈ܡܻܝܢ܂ דז ܘܰܕ݂ܢܷܬ݂ܟ݁ܪܷܙ ܒ݁ܰܫܡܷܗ ܬ݁ܝܳܒ݁ܽܘܬ݂ܳܐ ܠܫܽܘܒ݂ܩܳܢܳܐ ܕ݁ܰܚܛܳܗܷ̈ܐ ܒ݁ܟ݂ܽܠܗܽܘܢ ܥܰܡ̱ܡܷ̈ܐ ܘܫܽܘܪܳܝܳܐ ܢܷܗܘܷܐ ܡܷܢ ܐܘܽܪܻܫܠܷܡ܂ דח ܘܰܐܢ̱ܬ݁ܽܘܢ ܐܷܢܽܘܢ ܣܳܗ̈ܕܷ݁ܐ ܕ݁ܗܳܠܷܝܢ܂ דט ܘܷܐܢܳܐ ܐܷܫܰܕ݁ܰܪ ܥܠܰܝܟ݁ܽܘܢ ܡܽܘܠܟ݁ܳܢܳܐ ܕ݁ܳܐܒ݂ܝ

בא ܐܷܡܰܪ ܠܗܽܘܢ ܕܷ݁ܝܢ ܬ݁ܽܘܒ݂ ܝܷܫܽܘܥ ܫܠܳܡܳܐ ܥܰܡܟ݂ܽܘܢ ܐܰܝܟ݁ܰܢܳܐ ܕ݁ܫܰܕ݁ܪܰܢܝ ܐܳܒ݂ܝ ܐܳܦ݂ ܐܷܢܳܐ ܡܫܰܕ݁ܰܪ ܐ̱ܢܳܐ ܠܟ݂ܽܘܢ܂ בב ܘܟ݂ܰܕ݂ ܐܷܡܰܪ ܗܳܠܷܝܢ ܢܦ݂ܰܚ ܒ݁ܗܽܘܢ ܘܷܐܡܰܪ ܠܗܽܘܢ ܩܰܒܷ݁ܠܘ ܪܽܘܚܳܐ ܕ݁ܩܽܘܕ݂ܫܳܐ܂ בג ܐܷܢ ܬܷ݁ܫܒ݁ܩܽܘܢ ܚܛܳܗܷ̈ܐ ܠܐ̱ܢܳܫ ܢܷܫܬ݁ܰܒ݂ܩܽܘܢ ܠܷܗ ܘܷܐܢ ܬܷ݁ܐܚܕ݁ܽܘܢ ܕ݁ܐ̱ܢܳܫ ܐܰܚܻܝܕ݂ܻܝܢ܂ בד ܬ݁ܳܐܘܡܰܐ ܕܷ݁ܝܢ ܚܰܕ݂ ܡܷܢ ܬ݁ܪܷܥܣܰܪܬ݁ܳܐ ܗܰܘ ܕ݁ܡܷܬ݂ܷܐܡܰܪ ܬ݁ܳܐܡܳܐ ܠܳܐ ܗ̱ܘܳܐ ܬ݁ܰܡܳܢ ܗ̱ܘܳܐ ܥܰܡܗܽܘܢ ܟ݁ܰܕ݂ ܐܷܬ݂ܳܐ ܝܷܫܽܘܥ܂ בה ܘܳܐܡܪܻܝܢ ܠܷܗ ܬ݁ܰܠܡܻܝ̈ܕ݂ܷܐ ܚܙܰܝܢ ܠܡܳܪܰܢ ܗܽܘ ܕܷ݁ܝܢ ܐܷܡܰܪ ܠܗܽܘܢ ܐܷܠܳܐ ܚܳܙܷܐ ܐ̱ܢܳܐ ܒܻ݁ܐܝ̈ܕ݂ܰܘܗ̱ܝ ܕ݁ܽܘ̈ܟ݁ܝܳܬ݂ܳܐ ܕ݁ܨܷܨܷ̈ܐ ܘܪܳܡܷܐ ܐ̱ܢܳܐ ܒ݁ܗܷܝܢ ܨܷܒ݂ܥ̈ܳܬ݂ܝ ܘܡܰܘܫܷܛ ܐ̱ܢܳܐ ܐܻܝܕ݂ܝ ܒ݁ܕ݂ܰܦ݂ܢܷܗ ܠܳܐ ܡܗܰܝܡܷܢ ܐ̱ܢܳܐ܂ בו ܘܒ݂ܳܬ݂ܰܪ ܬ݁ܡܳܢܝܳܐ ܝܰܘ̈ܡܻܝܢ ܠܚܕ ܒܫܒܐ ܐܚܪܢܐ ܬ݁ܽܘܒ݂ ܠܓ݂ܰܘ ܗ̱ܘܰܘ ܬ݁ܰܠܡܻܝ̈ܕ݂ܷܐ ܘܬ݂ܳܐܘܡܰܐ ܥܰܡܗܽܘܢ ܘܷܐܬ݂ܳܐ ܝܷܫܽܘܥ ܟ݁ܰܕ݂ ܐܰܚܻܝܕ݂ܻܝܢ ܬ݁ܰܪ̈ܥܷܐ ܩܳܡ ܒ݁ܰܡܨܰܥܬ݂ܳܐ ܘܷܐܡܰܪ ܠܗܽܘܢ ܫܠܳܡܳܐ ܥܰܡܟ݂ܽܘܢ܂ בז ܘܷܐܡܰܪ ܠܬ݂ܳܐܘܡܰܐ ܐܰܝܬ݁ܳܐ ܨܷܒ݂ܥܳܟ݂ ܠܗܳܪܟ݁ܳܐ ܘܰܚܙܻܝ ܐܻܝ̈ܕ݂ܰܝ ܘܰܐܝܬ݁ܳܐ ܐܻܝܕ݂ܳܟ݂ ܘܰܐܘܫܷܛ ܒ݁ܓ݂ܰܒ݁ܝ ܘܠܳܐ ܬܷ݁ܗܘܷܐ ܠܳܐ ܡܗܰܝܡܢܳܐ ܐܷܠܳܐ ܡܗܰܝܡܢܳܐ܂ בח ܘܰܥܢܳܐ ܬ݁ܳܐܘܡܰܐ ܘܷܐܡܰܪ ܠܷܗ ܡܳܪܝ ܘܰܐܠܳܗܝ܂ בט ܐܳܡܰܪ ܠܷܗ ܝܷܫܽܘܥ ܗܳܫܳܐ ܕ݁ܰܚܙܰܝܬ݁ܳܢܝ ܗܰܝܡܷܢܬ݁ ܛܽܘܒ݂ܰܝܗܽܘܢ ܠܰܐܝܠܷܝܢ ܕ݁ܠܳܐ ܚܙܰܐܘܽܢܝ ܘܗܰܝܡܷܢܘ܂ גי ܣܰܓܻ݁ܝ̈ܳܐܬ݂ܳܐ ܕܷ݁ܝܢ ܐܳܬ݂ܘ̈ܳܬ݂ܳܐ ܐ̱ܚܪ̈ܳܢܝܳܬ݂ܳܐ ܥܒ݂ܰܕ݂ ܝܷܫܽܘܥ ܩܕ݂ܳܡ ܬ݁ܰܠܡܻܝ̈ܕ݂ܰܘܗ̱ܝ ܐܰܝܠܷܝܢ ܕ݁ܠܳܐ ܟ݁ܬ݂ܻܝܒ݂ܳܢ ܒ݁ܰܟ݂ܬ݂ܳܒ݂ܳܐ ܗܳܢܳܐ܂ גא ܐܳܦ݂ ܗܳܠܷܝܢ ܕܷ݁ܝܢ ܕ݁ܰܟ݂ܬ݂ܻܝܒ݂ܳܢ ܕ݁ܰܬ݂ܗܰܝܡܢܽܘܢ ܕ݁ܝܷܫܽܘܥ ܗܽܘ ܡܫܻܝܚܳܐ ܒ݁ܪܷܗ ܕ݁ܰܐܠܳܗܳܐ ܘܡܳܐ ܕ݁ܗܰܝܡܷܢܬ݁ܽܘܢ ܢܷܗܘܽܘܢ ܠܟ݂ܽܘܢ ܒ݁ܰܫܡܷܗ ܚܰܝܷ̈ܐ ܕ݁ܰܠܥܳܠܰܡ܂

Appearance at Lake Tiberia

John 21:1-13

1 Jesus showed himself again to his disciples at the sea of Tiberias this way. 2 Simon the Rock, Thomas called the Twin, Nathaniel of Cana of Galilee, the sons of Zebedee, and two other disciples were together. 3 Simon the Rock said to them, “I am going to catch fish.” They said to him, “We are also coming with you.” They went forth, went up into the boat, and that night caught nothing. 4 When it was morning, Jesus stood on the shore of the sea, and the disciples did not know it was Jesus. 5 Jesus said to them, “Children, do you have anything to eat?” They said to him, “No.” 6 He said to them, “Cast your net from the right side of the boat, and you can.” They cast it, and they could not draw the net for the many of fish it caught. 7 That disciple Jesus loved said to Rock, “This is our Lord.” Then Simon, when he heard it was our Lord, took his tunic, girded it around his waist because he was naked, and cast himself into the sea to come to Jesus. 8 But some others of the disciples had come in the boat, for they were not far from the land, but about two hundred cubits and drew that net of fish. 9 When they went up on the land, they saw coals laid, a fish laid on them, and bread. 10 Jesus said to them, “Bring some of these fish you have now caught.” 11 Simon the Rock went up and drew the net to the land, full of 153 great fish and with all this weight that net did not rend. 12 Jesus said to them, “Come dine.” None of the disciples dared to ask him who he was, for they knew that it was our Lord. 13 Jesus neared, took bread and fish, and gave it to them. 14 This is the third time Jesus appeared to his disciples when he rose from the dead.

א ܚܰܘܻܝ ܬ݁ܽܘܒ݂ ܢܰܦ݂ܫܷܗ ܝܷܫܽܘܥ ܠܬ݂ܰܠܡܻܝ̈ܕ݂ܰܘܗ̱ܝ ܥܰܠ ܝܰܡܳܐ ܕ݁ܛܻܝܒ݂ܷܪܻܝܳܘܣ ܚܰܘܻܝ ܕܷ݁ܝܢ ܗܳܟ݂ܰܢܳܐ܂ ב ܐܻܝܬ݂ܰܝܗܽܘܢ ܗ̱ܘܰܘ ܐܰܟ݂ܚܕ݂ܳܐ ܫܷܡܥܽܘܢ ܟܻ݁ܐܦ݂ܳܐ ܘܬ݂ܳܐܘܡܰܐ ܕ݁ܡܷܬ݂ܷܐܡܰܪ ܬ݁ܳܐܡܳܐ ܘܢܰܬ݂ܰܢܰܝܐܝܻܠ ܗܰܘ ܕ݁ܡܷܢ ܩܳܛܢܷܐ ܕ݁ܰܓ݂ܠܻܝܠܳܐ ܘܰܒ݂ܢ̈ܰܝ ܙܰܒ݂ܕ݂ܰܝ ܘܰܬ݂ܪܷܝܢ ܐ̱ܚܪ̈ܳܢܻܝܢ ܡܷܢ ܬ݁ܰܠܡܻܝ̈ܕ݂ܷܐ܂ ג ܐܳܡܰܪ ܠܗܽܘܢ ܫܷܡܥܽܘܢ ܟܻ݁ܐܦ݂ܳܐ ܐܳܙܷܠ ܐ̱ܢܳܐ ܐܷܨܽܘܕ݂ ܢܽܘ̈ܢܷܐ ܐܳܡܪܻܝܢ ܠܷܗ ܐܳܦ݂ ܚܢܰܢ ܐܳܬ݂ܷܝܢܰܢ ܥܰܡܳܟ݂ ܘܰܢܦ݂ܰܩܘ ܘܰܣܠܷܩܘ ܠܰܣܦ݂ܻܝܢ̱ܬ݁ܳܐ ܘܰܒ݂ܗܰܘ ܠܻܠܝܳܐ ܡܷܕܷ݁ܡ ܠܳܐ ܨܳܕ݂ܘ܂ ד ܟ݁ܰܕ݂ ܕܷ݁ܝܢ ܗܘܳܐ ܨܰܦ݂ܪܳܐ ܩܳܡ ܝܷܫܽܘܥ ܥܰܠ ܝܰܕ݂ ܝܰܡܳܐ ܘܠܳܐ ܝܕ݂ܰܥܘ ܬ݁ܰܠܡܻܝ̈ܕ݂ܷܐ ܕ݁ܝܷܫܽܘܥ ܗ̱ܘ܂ ה ܘܷܐܡܰܪ ܠܗܽܘܢ ܝܷܫܽܘܥ ܛܠܳܝܷ̈ܐ ܠܡܳܐ ܐܻܝܬ݂ ܠܟ݂ܽܘܢ ܡܷܕܷ݁ܡ ܠܡܷܠܥܰܣ ܐܳܡܪܻܝܢ ܠܷܗ ܠܳܐ܂ ו ܐܳܡܰܪ ܠܗܽܘܢ ܐܰܪܡܰܘ ܡܨܻܝܕ݂ܬ݁ܟ݂ܽܘܢ ܡܷܢ ܓ݁ܰܒ݁ܳܐ ܕ݁ܝܰܡܻܝܢܳܐ ܕ݁ܰܣܦ݂ܻܝܢ̱ܬ݁ܳܐ ܘܡܷܫܟ݁ܚܻܝܢ ܐܢ̱ܬ݁ܽܘܢ ܘܰܐܪܡܻܝܘ ܘܠܳܐ ܐܷܫܟ݁ܰܚܘ ܠܡܷܓ݁ܕ݂ܳܗ ܠܰܡܨܻܝܕ݂ܬ݁ܳܐ ܡܷܢ ܣܽܘܓ݂ܳܐܐ ܕ݁ܢܽܘ̈ܢܷܐ ܕܷ݁ܐܚܕ݁ܰܬ݂܂ ז ܘܷܐܡܰܪ ܬ݁ܰܠܡܻܝܕ݂ܳܐ ܗܰܘ ܕ݁ܪܳܚܷܡ ܗ̱ܘܳܐ ܠܷܗ ܝܷܫܽܘܥ ܠܟ݂ܻܐܦ݂ܳܐ ܗܳܢܳܐ ܡܳܪܰܢ ܗ̱ܘ ܫܷܡܥܽܘܢ ܕܷ݁ܝܢ ܟ݁ܰܕ݂ ܫܡܰܥ ܕ݁ܡܳܪܰܢ ܗ̱ܘ ܢܣܰܒ݂ ܟ݁ܽܘܬܻ݁ܝܢܷܗ ܡܚܳܐ ܒ݁ܚܰܨ̈ܰܘܗ̱ܝ ܡܷܛܽܠ ܕ݁ܥܰܪܛܷܠܳܝܳܐ ܗ̱ܘܳܐ ܘܰܫܕ݂ܳܐ ܢܰܦ݂ܫܷܗ ܒ݁ܝܰܡܳܐ ܕ݁ܢܻܐܬ݂ܷܐ ܠܘܳܬ݂ ܝܷܫܽܘܥ܂ ח ܐ̱ܚܪ̈ܳܢܷܐ ܕܷ݁ܝܢ ܬ݁ܰܠܡܻܝ̈ܕ݂ܷܐ ܒ݁ܰܣܦ݂ܻܝܢ̱ܬ݁ܳܐ ܐܷܬ݂ܰܘ ܠܳܐ ܓܷ݁ܝܪ ܪܰܚܻܝܩܻܝܢ ܗ̱ܘܰܘ ܣܰܓܻ݁ܝ ܡܷܢ ܐܰܪܥܳܐ ܐܷܠܳܐ ܐܰܝܟ݂ ܡܰܐܬ݂ܷܝܢ ܐܰܡܻܝܢ ܘܢܳܓ݂ܕܻ݁ܝܢ ܗ̱ܘܰܘ ܠܳܗ ܠܰܡܨܻܝܕ݂ܬ݁ܳܐ ܗܳܝ ܕ݁ܢܽܘ̈ܢܷܐ܂ ט ܟ݁ܰܕ݂ ܕܷ݁ܝܢ ܣܠܷܩܘ ܠܰܐܪܥܳܐ ܚܙܰܘ ܓ݁ܽܘܡܪܷ̈ܐ ܟ݁ܰܕ݂ ܣܻܝܡܳܢ ܘܢܽܘܢܳܐ ܟ݁ܰܕ݂ ܣܻܝܡ ܥܠܰܝܗܷܝܢ ܘܠܰܚܡܳܐ܂ אי ܘܷܐܡܰܪ ܠܗܽܘܢ ܝܷܫܽܘܥ ܐܰܝܬ݁ܰܘ ܡܷܢ ܗܳܢܽܘܢ ܢܽܘܢܷܐ ܕ݁ܨܳܕ݂ܬ݁ܽܘܢ ܗܳܫܳܐ܂ אא ܘܰܣܠܷܩ ܫܷܡܥܽܘܢ ܟܻ݁ܐܦ݂ܳܐ ܘܢܰܓ݂ܕ݁ܳܗ ܠܰܡܨܻܝܕ݂ܬ݁ܳܐ ܠܰܐܪܥܳܐ ܟ݁ܰܕ݂ ܡܰܠܝܳܐ ܢܽܘ̈ܢܷܐ ܪܰܘܪ̈ܒ݂ܷܐ ܡܳܐܐ ܘܚܰܡܫܻܝܢ ܘܰܬ݂ܠܳܬ݂ܳܐ ܘܰܒ݂ܗܳܢܳܐ ܟ݁ܽܠܷܗ ܝܽܘܩܪܳܐ ܠܳܐ ܐܷܨܛܰܪܝܰܬ݂ ܡܨܻܝܕ݂ܬ݁ܳܐ ܗܳܝ܂ אב ܘܷܐܡܰܪ ܠܗܽܘܢ ܝܷܫܽܘܥ ܬ݁ܰܘ ܐܷܫܬ݁ܰܪܰܘ ܐ̱ܢܳܫ ܕܷ݁ܝܢ ܡܷܢ ܬ݁ܰܠܡܻܝ̈ܕ݂ܷܐ ܠܳܐ ܡܰܡܪܰܚ ܗ̱ܘܳܐ ܕ݁ܰܢܫܰܐܠܻܝܘܗ̱ܝ ܕ݁ܡܰܢܽܘ ܕ݁ܝܳܕ݂ܥܻܝܢ ܗ̱ܘܰܘ ܕ݁ܡܳܪܰܢ ܗ̱ܘ܂ אג ܩܪܷܒ݂ ܕܷ݁ܝܢ ܝܷܫܽܘܥ ܘܰܫܩܰܠ ܠܰܚܡܳܐ ܘܢܽܘ̈ܢܷܐ ܘܝܰܗ̱ܒ݂ ܠܗܽܘܢ܂ אד ܗܳܕ݂ܷܐ ܕ݁ܰܬ݂ܠܳܬ݂ ܙܰܒ݂ܢܻ̈ܝܢ ܐܷܬ݂ܚܙܻܝ ܝܷܫܽܘܥ ܠܬ݂ܰܠܡܻܝ̈ܕ݂ܰܘܗ̱ܝ ܟ݁ܰܕ݂ ܩܳܡ ܡܷܢ ܒܷ݁ܝܬ݂ ܡܻܝ̈ܬ݂ܷܐ ܂

Restauration of Peter

John 21:14-24; Matthew 28:16-17

15 When they had dined, Jesus said to Simon the Rock, “Simon, son of Jonah, do you love me more than them?” He said to him, “Yes, my Lord, you know I love you.” He said to him, “Shepherd for me my lambs.” 16 He said to him again a second time, “Simon, son of Jonah, do you love me?” He said to him, “Yes, my Lord, you know I love you.” He said to him, “Shepherd for me my sheep.” 17 He said to him again the third time, “Simon, son of Jonah, do you love me?” It saddened Rock he said to him three times, “Do you love me?” He said to him, “My Lord, you know everything; you know I love you.” Jesus said to him, “Shepherd for me my ewes. Amen, amen, I say to you, when you were a child, you would gird your waist for yourself and walk where you willed. Once you have aged, you shall stretch out your hands, and another shall gird your waist and take you where you do not want.” 19 He said that to him to explain by what death he was to glorify God. When he had said this, he said to him, “Follow me.”

אה ܟ݁ܰܕ݂ ܕܷ݁ܝܢ ܐܷܫܬ݁ܰܪܻܝܘ ܐܷܡܰܪ ܝܷܫܽܘܥ ܠܫܷܡܥܽܘܢ ܟܻ݁ܐܦ݂ܳܐ ܫܷܡܥܽܘܢ ܒ݁ܰܪ‌ܝܳܘܢܰܐ ܪܳܚܷܡ ܐܰܢ̱ܬ݁ ܠܻܝ ܝܰܬܻ݁ܝܪ ܡܷܢ ܗܳܠܷܝܢ ܐܳܡܰܪ ܠܷܗ ܐܻܝܢ ܡܳܪܝ ܐܰܢ̱ܬ݁ ܝܳܕ݂ܰܥ ܐܰܢ̱ܬ݁ ܕ݁ܪܳܚܷܡ ܐ̱ܢܳܐ ܠܳܟ݂ ܐܳܡܰܪ ܠܷܗ ܪܥܻܝ ܠܻܝ ܐܷܡܪ̈ܰܝ܂ או ܐܳܡܰܪ ܠܷܗ ܬ݁ܽܘܒ݂ ܕ݁ܬ݂ܰܪܬܷ݁ܝܢ ܙܰܒ݂ܢܻ̈ܝܢ ܫܷܡܥܽܘܢ ܒ݁ܰܪ‌ܝܳܘܢܰܐ ܪܳܚܷܡ ܐܰܢ̱ܬ݁ ܠܻܝ ܐܳܡܰܪ ܠܷܗ ܐܻܝܢ ܡܳܪܝ ܐܰܢ̱ܬ݁ ܝܳܕ݂ܰܥ ܐܰܢ̱ܬ݁ ܕ݁ܪܳܚܷܡ ܐ̱ܢܳܐ ܠܳܟ݂ ܐܳܡܰܪ ܠܷܗ ܝܷܫܽܘܥ ܪܥܻܝ ܠܻܝ ܥܷܪ̈ܒ݁ܰܝ܂ אז ܐܳܡܰܪ ܠܷܗ ܕ݁ܰܬ݂ܠܳܬ݂ ܙܰܒ݂ܢܻ̈ܝܢ ܫܷܡܥܽܘܢ ܒ݁ܰܪ‌ܝܳܘܢܰܐ ܪܳܚܷܡ ܐܰܢ̱ܬ݁ ܠܻܝ ܘܟ݂ܷܪܝܰܬ݂ ܠܷܗ ܠܟ݂ܻܐܦ݂ܳܐ ܕܷ݁ܐܡܰܪ ܠܷܗ ܕ݁ܰܬ݂ܠܳܬ݂ ܙܰܒ݂ܢܻ̈ܝܢ ܕ݁ܪܳܚܷܡ ܐܰܢ̱ܬ݁ ܠܻܝ ܘܷܐܡܰܪ ܠܷܗ ܡܳܪܝ ܟ݁ܽܠ ܡܷܕܷ݁ܡ ܐܰܢ̱ܬ݁ ܚܳܟ݂ܷܡ ܐܰܢ̱ܬ݁ ܐܰܢ̱ܬ݁ ܝܳܕ݂ܰܥ ܐܰܢ̱ܬ݁ ܕ݁ܪܳܚܷܡ ܐ̱ܢܳܐ ܠܳܟ݂ ܐܳܡܰܪ ܠܷܗ ܝܷܫܽܘܥ ܪܥܻܝ ܠܻܝ ܢܩܰܘ̈ܳܬ݂ܝ܂ אח ܐܰܡܻܝܢ ܐܰܡܻܝܢ ܐܳܡܰܪ ܐ̱ܢܳܐ ܠܳܟ݂ ܕ݁ܟ݂ܰܕ݂ ܛܠܷܐ ܗ̱ܘܰܝܬ݁ ܐܰܢ̱ܬ݁ ܠܢܰܦ݂ܫܳܟ݂ ܐܳܣܰܪ ܗ̱ܘܰܝܬ݁ ܚܰܨ̈ܰܝܟ݁ ܘܰܡܗܰܠܷܟ݂ ܗ̱ܘܰܝܬ݁ ܠܰܐܝܟ݁ܳܐ ܕ݁ܨܳܒ݂ܷܐ ܐܰܢ̱ܬ݁ ܡܳܐ ܕܷ݁ܝܢ ܕ݁ܰܣܷܐܒ݂ܬ݁ ܬܷ݁ܦ݂ܫܽܘܛ ܐܻܝ̈ܕ݂ܰܝܟ݁ ܘܰܐ̱ܚܪܻܝܢ ܢܷܐܣܽܘܪ ܠܳܟ݂ ܚܰܨ̈ܰܝܟ݁ ܘܢܰܘܒ݁ܠܳܟ݂ ܠܰܐܝܟ݁ܳܐ ܕ݁ܠܳܐ ܨܳܒ݂ܷܐ ܐܰܢ̱ܬ݁܂ אט ܗܳܕ݂ܷܐ ܕܷ݁ܝܢ ܐܷܡܰܪ ܕ݁ܰܢܚܰܘܷܐ ܒ݁ܰܐܝܢܳܐ ܡܰܘܬ݁ܳܐ ܥܬ݂ܻܝܕ݂ ܕ݁ܰܢܫܰܒ݁ܰܚ ܠܰܐܠܳܗܳܐ ܘܟ݂ܰܕ݂ ܐܷܡܰܪ ܗܳܠܷܝܢ ܐܷܡܰܪ ܠܷܗ ܬ݁ܳܐ ܒ݁ܳܬ݂ܰܪܝ܂

20 Simon the Rock turned and saw that disciple whom Jesus loved, the one he which at the supper leaned on Jesus’ chest, following him. He said, “My Lord, who betrays you?” 21 When Rock had seen this one, he said to Jesus, “My Lord, and what of this man?” 22 Jesus said to him, “If I will this man remains until I come, what is that to you? You follow me.” 23 And this word went forth among the brethren that disciple should not die. But Jesus did not say he should not die, rather, “If I will this man remains until I come, what is that to you?” 24 This is the disciple who bore witness to all this and also wrote it, and we know that his witness is true.

16 But the eleven disciples went to Galilee to the mountain where Jesus appointed them. 17 When they saw him, they worshipped him, but some of them had doubted.

בי ܘܷܐܬ݂ܦ݁ܢܻܝ ܫܷܡܥܽܘܢ ܟܻ݁ܐܦ݂ܳܐ ܘܰܚܙܳܐ ܠܬ݂ܰܠܡܻܝܕ݂ܳܐ ܗܰܘ ܕ݁ܪܳܚܷܡ ܗ̱ܘܳܐ ܝܷܫܽܘܥ ܕ݁ܳܐܬ݂ܷܐ ܒ݁ܳܬ݂ܪܷܗ ܗܰܘ ܕ݁ܰܢܦ݂ܰܠ ܗ̱ܘܳܐ ܒ݁ܰܚܫܳܡܻܝܬ݂ܳܐ ܥܰܠ ܚܰܕ݂ܝܷܗ ܕ݁ܝܷܫܽܘܥ ܘܷܐܡܰܪ ܡܳܪܝ ܡܰܢܽܘ ܡܰܫܠܷܡ ܠܳܟ݂܂ בא ܠܗܳܢܳܐ ܟ݁ܰܕ݂ ܚܙܳܐ ܟܻ݁ܐܦ݂ܳܐ ܐܷܡܰܪ ܠܝܷܫܽܘܥ ܡܳܪܝ ܘܗܳܢܳܐ ܡܳܢܳܐ܂ בב ܐܳܡܰܪ ܠܷܗ ܝܷܫܽܘܥ ܐܷܢ ܨܳܒ݂ܷܐ ܐ̱ܢܳܐ ܕ݁ܰܢܩܰܘܷܐ ܗܳܢܳܐ ܥܕ݂ܰܡܳܐ ܕ݁ܳܐܬ݂ܷܐ ܐ̱ܢܳܐ ܠܳܟ݂ ܡܳܐ ܠܳܟ݂ ܐܰܢ̱ܬ݁ ܬ݁ܳܐ ܒ݁ܳܬ݂ܰܪܝ܂ בג ܘܢܷܦ݂ܩܰܬ݂ ܗܳܕ݂ܷܐ ܡܷܠܬ݂ܳܐ ܒܷ݁ܝܬ݂ ܐܰܚܷ̈ܐ ܕ݁ܗܰܘ ܬ݁ܰܠܡܻܝܕ݂ܳܐ ܠܳܐ ܡܳܐܷܬ݂ ܝܷܫܽܘܥ ܕܷ݁ܝܢ ܠܳܐ ܗ̱ܘܳܐ ܕ݁ܠܳܐ ܡܳܐܷܬ݂ ܐܷܡܰܪ ܐܷܠܳܐ ܕܷ݁ܐܢ ܨܳܒ݂ܷܐ ܐ̱ܢܳܐ ܕ݁ܰܢܩܰܘܷܐ ܗܳܢܳܐ ܥܕ݂ܰܡܳܐ ܕ݁ܳܐܬ݂ܷܐ ܐ̱ܢܳܐ ܠܳܟ݂ ܡܳܐ ܠܳܟ݂܂ בד ܗܳܢܰܘ ܬ݁ܰܠܡܻܝܕ݂ܳܐ ܕ݁ܰܐܣܗܷܕ݂ ܥܰܠ ܗܳܠܷܝܢ ܟ݁ܽܠܗܷܝܢ ܘܳܐܦ݂ ܟ݁ܬ݂ܰܒ݂ ܐܷܢܷܝܢ ܘܝܳܕ݂ܥܻܝܢ ܚ̱ܢܰܢ ܕ݁ܫܰܪܻܝܪܳܐ ܗ̱ܝ ܣܳܗܕ݁ܽܘܬ݂ܷܗ܂

או ܬ݁ܰܠܡܻܝ̈ܕ݂ܷܐ ܕܷ݁ܝܢ ܚܕ݂ܰܥܣܰܪ ܐܷܙܰܠܘ ܠܰܓ݂ܠܻܝܠܳܐ ܠܛܽܘܪܳܐ ܐܰܝܟ݁ܳܐ ܕ݁ܘܰܥܷܕ݂ ܐܷܢܽܘܢ ܝܷܫܽܘܥ܂ אז ܘܟ݂ܰܕ݂ ܚܙܰܐܘܽܗ̱ܝ ܣܓ݂ܷܕ݂ܘ ܠܷܗ ܡܷܢܗܽܘܢ ܕܷ݁ܝܢ ܐܷܬ݂ܦ݁ܰܠܰܓ݂ܘ ܗ̱ܘܰܘ܂

Appearances

Mark 16:12-14; Matthew 28:18-20; Mark 16:16-18; Luke 24:49-50

12 He appeared to two of them in another form while they were walking to the village. 13 They went to tell the rest, yet they did not believe them. 14 At last, he appeared to the eleven as they were reclining and upbraided them for their lack of faith and hardness of the hearts, for those who saw him rise did not believe.

אב ܐܷܬ݂ܚܙܻܝ ܠܰܬ݂ܪܷܝܢ ܡܷܢܗܽܘܢ ܒ݁ܰܕ݂ܡܽܘܬ݂ܳܐ ܐ̱ܚܪܻܬ݂ܳܐ ܟ݁ܰܕ݂ ܡܗܰܠܟ݂ܻܝܢ ܘܳܐܙܻܠ̱ܝܢ ܠܰܩܪܻܝܬ݂ܳܐ܂ אג ܘܗܷܢܽܘܢ ܐܷܙܰܠܘ ܐܷܡܰܪܘ ܠܫܰܪܟ݁ܳܐ ܐܳܦ݂ ܠܳܐ ܠܗܳܢܽܘܢ ܗܰܝܡܷܢܘ܂ אד ܐ̱ܚܪܳܝܰܬ݂ ܕܷ݁ܝܢ ܐܷܬ݂ܚܙܻܝ ܠܰܚܕ݂ܰܥܣܰܪ ܟ݁ܰܕ݂ ܣܡܻܝܟ݂ܻܝܢ ܘܚܰܣܷܕ݂ ܠܚܰܣܻܝܪܽܘܬ݂ ܗܰܝܡܳܢܽܘܬ݂ܗܽܘܢ ܘܰܠܩܰܫܝܽܘܬ݂ ܠܷܒ݁ܗܽܘܢ ܕ݁ܰܠܗܳܢܽܘܢ ܕ݁ܰܚܙܰܐܘܽܗ̱ܝ ܕ݁ܩܳܡ ܠܳܐ ܗܰܝܡܷܢܘ܂

18 Jesus neared, spoke with them, and said to them, “I have been given all authority in Heaven and earth. As my Father sent me, so I also send you. 19 Go then, make disciples of all people, baptize them in the name of the Father, the Son, and the Holy Spirit, 20 and teach them to keep all I commanded you. Behold, I am with you all days until the end of the world. Amen.

אח ܘܰܩܪܷܒ݂ ܝܷܫܽܘܥ ܡܰܠܷܠ ܥܰܡܗܽܘܢ ܘܷܐܡܰܪ ܠܗܽܘܢ ܐܷܬ݂ܻܝܗܷܒ݂ ܠܻܝ ܟ݁ܽܠ ܫܽܘܠܛܳܢ ܒ݁ܰܫܡܰܝܳܐ ܘܒ݂ܰܐܪܥܳܐ ܘܰܐܝܟ݁ܰܢܳܐ ܕ݁ܫܰܕ݁ܪܰܢܝ ܐܳܒ݂ܝ ܡܫܰܕ݁ܰܪ ܐ̱ܢܳܐ ܠܟ݂ܽܘܢ܂ אט ܙܷܠܘ ܗܳܟ݂ܻܝܠ ܬ݁ܰܠܡܷܕ݂ܘ ܟ݁ܽܠܗܽܘܢ ܥܰܡ̱ܡܷ̈ܐ ܘܰܐܥܡܷܕ݂ܘ ܐܷܢܽܘܢ ܒ݁ܫܷܡ ܐܰܒ݂ܳܐ ܘܰܒ݂ܪܳܐ ܘܪܽܘܚܳܐ ܕ݁ܩܽܘܕ݂ܫܳܐ܂ בי ܘܰܐܠܷܦ݂ܘ ܐܷܢܽܘܢ ܕ݁ܢܷܛܪܽܘܢ ܟ݁ܽܠ ܡܳܐ ܕ݁ܦ݂ܰܩܷܕ݁ܬ݁ܟ݂ܽܘܢ ܘܗܳܐ ܐܷܢܳܐ ܥܰܡܟ݂ܽܘܢ ܐ̱ܢܳܐ ܟ݁ܽܠܗܽܘܢ ܝܰܘ̈ܡܳܬ݂ܳܐ ܥܕ݂ܰܡܳܐ ܠܫܽܘܠܳܡܷܗ ܕ݁ܥܳܠܡܳܐ ܐܰܡܻܝܢ܂

16 “Whoever is faithful and is baptized lives, and whoever is unfaithful is condemned. 17 These are the signs that cling to the faithful: they shall cast out devils in my name; speak in other tongues; 18 take up serpents; if they drink a deadly poison, it shall not harm them; and they shall lay their hands on the ill, and they shall be healed.

49 “As for you all, abide in the city of Jerusalem until you wear the power from on high.” 50 He brought them out as far as Bethany, raised his hands, and blessed them.

או ܐܰܝܢܳܐ ܕ݁ܰܡܗܰܝܡܷܢ ܘܥܳܡܷܕ݂ ܚܳܝܷܐ ܘܰܐܝܢܳܐ ܕ݁ܠܳܐ ܡܗܰܝܡܷܢ ܡܷܬ݂ܚܰܝܰܒ݂܂ אז ܐܳܬ݂ܘ̈ܳܬ݂ܳܐ ܕܷ݁ܝܢ ܠܰܐܝܠܷܝܢ ܕ݁ܰܡܗܰܝܡܢܻܝܢ ܗܳܠܷܝܢ ܢܷܩܦ݂ܳܢ ܒ݁ܫܷܡܝ ܫܻܐܕ݂ܷ̈ܐ ܢܰܦ݁ܩܽܘܢ ܘܰܒ݂ܠܷܫܳܢܷ̈ܐ ܚܰܕ݂̱̈ܬ݂ܷܐ ܢܡܰܠܠܽܘܢ܂ אח ܘܰܚܘܰܘ̈ܳܬ݂ܳܐ ܢܷܫܩܠܽܘܢ ܘܷܐܢ ܣܰܡܳܐ ܕ݁ܡܰܘܬ݁ܳܐ ܢܷܫܬ݁ܽܘܢ ܠܳܐ ܢܰܗܰܪ ܐܷܢܽܘܢ ܘܻܐܝ̈ܕ݂ܰܝܗܽܘܢ ܢܣܻܝܡܽܘܢ ܥܰܠ ܟ݁ܪܻ̈ܝܗܷܐ ܘܢܷܬ݂ܚܰܠܡܽܘܢ܂

דט ܐܰܢ̱ܬ݁ܽܘܢ ܕܷ݁ܝܢ ܩܰܘܰܘ ܒ݁ܽܐܘܽܪܻܫܠܷܡ ܡܕ݂ܻܝܢ̱ܬ݁ܳܐ ܥܕ݂ܰܡܳܐ ܕ݁ܬ݂ܷܠܒ݁ܫܽܘܢ ܚܰܝܠܳܐ ܡܷܢ ܪܰܘܡܳܐ܂ הי ܘܰܐܦܷ݁ܩ ܐܷܢܽܘܢ ܥܕ݂ܰܡܳܐ ܠܒ݂ܷܝܬ݂‌ܥܰܢܝܳܐ ܘܰܐܪܻܝܡ ܐܻܝܕ݂ܰܘܗ̱ܝ ܘܒ݂ܰܪܷܟ݂ ܐܷܢܽܘܢ܂

Ascension

Acts 1:6-9; Luke 24:51; Acts 1:10-11

6 Then when they gathered, they asked and said to him, “Our Lord, is this the time you will return the kingdom to Israel?” 7 He said to them, “It is not for you to know the time or times which the Father has set by his own authority. 8 But when the Holy Spirit comes upon you, you shall receive power and be to me witnesses in Jerusalem, in all Judea as well as the house of the Samarians to the ends of the earth.” 9 When he had said this, as they were watching, he was lifted up, and a cloud received him, and he was hidden from their eyes.

ו ܗܷܢܽܘܢ ܕܷ݁ܝܢ ܟ݁ܰܕ݂ ܟ݁ܢܻܝܫܻܝܢ ܫܰܐܠܽܘܗ̱ܝ ܘܳܐܡܪܻܝܢ ܠܷܗ ܡܳܪܰܢ ܐܷܢ ܒ݁ܗܳܢܳܐ ܙܰܒ݂ܢܳܐ ܡܰܦ݂ܢܷܐ ܐܰܢ̱ܬ݁ ܡܰܠܟ݁ܽܘܬ݂ܳܐ ܠܻܐܝܣܪܳܝܷܠ܂ ז ܐܳܡܰܪ ܠܗܽܘܢ ܗܽܘ ܠܳܐ ܗ̱ܘܳܬ݂ ܕܻ݁ܝܠܟ݂ܽܘܢ ܗܳܕ݂ܷܐ ܠܡܷܕ݁ܰܥ ܙܰܒ݂ܢܳܐ ܐܰܘ ܙܰܒ݂ܢܷ̈ܐ ܐܰܝܠܷܝܢ ܕ݁ܰܐܒ݂ܳܐ ܣܳܡ ܐܷܢܽܘܢ ܒ݁ܫܽܘܠܛܳܢܳܐ ܕ݁ܢܰܦ݂ܫܷܗ܂ ח ܐܷܠܳܐ ܟ݁ܰܕ݂ ܬܻ݁ܐܬ݂ܷܐ ܪܽܘܚܳܐ ܕ݁ܩܽܘܕ݂ܫܳܐ ܥܠܰܝܟ݁ܽܘܢ ܬ݁ܩܰܒ݁ܠܽܘܢ ܚܰܝܠܳܐ ܘܬ݂ܷܗܘܽܘܢ ܠܻܝ ܣܳܗ̈ܕܷ݁ܐ ܒ݁ܽܐܘܽܪܻܫܠܷܡ ܘܰܒ݂ܟ݂ܽܠܳܗ ܝܻܗܽܘܕ݂ ܘܳܐܦ݂ ܒܷ݁ܝܬ݂ ܫܳܡܪ̈ܳܝܷܐ ܘܰܥܕ݂ܰܡܳܐ ܠܣܰܘ̈ܦܷ݁ܝܗ ܕ݁ܰܐܪܥܳܐ܂ ט ܘܟ݂ܰܕ݂ ܗܳܠܷܝܢ ܐܷܡܰܪ ܟ݁ܰܕ݂ ܚܳܙܷܝܢ ܠܷܗ ܐܷܣܬ݁ܰܠܰܩ ܘܰܥܢܳܢܳܐ ܩܰܒܷ݁ܠܬ݂ܷܗ ܘܷܐܬ݂ܟ݁ܰܣܻܝ ܡܷܢ ܥܰܝ̈ܢܰܝܗܽܘܢ܂

51 It was when he blessed them, he separated from them and ascended into Heaven.

הא ܘܰܗܘܳܐ ܕ݁ܟ݂ܰܕ݂ ܡܒ݂ܰܪܷܟ݂ ܠܗܽܘܢ ܐܷܬ݂ܦ݁ܪܷܫ ܡܷܢܗܽܘܢ ܘܰܣܠܷܩ ܠܰܫܡܰܝܳܐ܂

10 When they were watching Heaven as he was going, two men in white robes were found standing by them. 11 They said, “Men of Galilee, why do you stand watching Heaven? This Jesus, who has been taken up from you to Heaven, shall come thus as you saw him go up to Heaven.”

אי ܘܟ݂ܰܕ݂ ܚܳܝܪܻܝܢ ܗ̱ܘܰܘ ܒ݁ܰܫܡܰܝܳܐ ܟ݁ܰܕ݂ ܗܽܘ ܐܳܙܷܠ ܗ̱ܘܳܐ ܐܷܫܬ݁ܟ݂ܰܚܘ ܬ݁ܪܷܝܢ ܓ݁ܰܒ݂ܪܻܝܢ ܩܳܝܡܻܝܢ ܠܘܳܬ݂ܗܽܘܢ ܒ݁ܰܠܒ݂ܽܘ̈ܫܷܐ ܚܷܘܳܪܳܐ܂ אא ܘܳܐܡܪܻܝܢ ܠܗܽܘܢ ܓ݁ܰܒ݂ܪܷ̈ܐ ܓ݁ܠܻܝܠܳܝܷܐ ܡܳܢܳܐ ܩܳܝܡܻܝܢ ܐܢ̱ܬ݁ܽܘܢ ܘܚܳܝܪܻܝܢ ܒ݁ܰܫܡܰܝܳܐ ܗܳܢܳܐ ܝܷܫܽܘܥ ܕܷ݁ܐܣܬ݁ܰܠܰܩ ܡܷܢܟ݂ܽܘܢ ܠܰܫܡܰܝܳܐ ܗܳܟ݂ܰܢܳܐ ܢܻܐܬ݂ܷܐ ܐܰܝܟ݂ ܡܳܐ ܕ݁ܰܚܙܰܝܬ݁ܽܘܢܳܝܗ̱ܝ ܕ݁ܰܣܠܷܩ ܠܰܫܡܰܝܳܐ܂

Return to Jerusalem

Luke 24:52; Mark 16:20; John 21:25

52 They then worshipped him and went back to Jerusalem with great joy. 53 All the time, they were praising and blessing God in the temple. Amen.

20 Then they went forth and preached in every place. Our Lord would help them and confirm their words by signs they would do.

הב ܗܷܢܽܘܢ ܕܷ݁ܝܢ ܣܓ݂ܷܕ݂ܘ ܠܷܗ ܘܰܗܦ݂ܰܟ݂ܘ ܠܽܐܘܽܪܻܫܠܷܡ ܒ݁ܚܰܕ݂ܽܘܬ݂ܳܐ ܪܰܒ݁ܬ݂ܳܐ܂ הג ܘܰܒ݂ܟ݂ܽܠܙܒ݂ܰܢ ܐܻܝܬ݂ܰܝܗܽܘܢ ܗ̱ܘܰܘ ܒ݁ܗܰܝܟ݁ܠܳܐ ܟ݁ܰܕ݂ ܡܫܰܒ݁ܚܻܝܢ ܘܰܡܒ݂ܰܪܟ݂ܻܝܢ ܠܰܐܠܳܗܳܐ ܐܰܡܻܝܢ܂

בי ܗܷܢܽܘܢ ܕܷ݁ܝܢ ܢܦ݂ܰܩܘ ܘܰܐܟ݂ܪܷܙܘ ܒ݁ܟ݂ܽܠ ܕ݁ܽܘܟ݁ܳܐ ܘܡܳܪܰܢ ܡܥܰܕ݁ܰܪ ܗ̱ܘܳܐ ܠܗܽܘܢ ܘܡܰܫܰܪ ܡܷܠܰܝ̈ܗܽܘܢ ܒ݁ܳܐܬ݂ܘ̈ܳܬ݂ܳܐ ܕ݁ܥܳܒ݂ܕܻ݁ܝܢ ܗ̱ܘܰܘ܂

25 But there are also many other things Jesus did, which if every one of them were written, not even the world, as I suppose, would have enough books for them to be written.

בה ܐܻܝܬ݂ ܕܷ݁ܝܢ ܐܳܦ݂ ܐ̱ܚܪ̈ܳܢܝܳܬ݂ܳܐ ܣܰܓܻ݁ܝ̈ܳܐܬ݂ܳܐ ܕ݁ܰܥܒ݂ܰܕ݂ ܝܷܫܽܘܥ ܐܰܝܠܷܝܢ ܕܷ݁ܐܠܽܘ ܚܕ݂ܳܐ ܚܕ݂ܳܐ ܡܷܬ݂ܟ݁ܰܬ݂ܒ݁ܳܢ ܗ̱ܘܰܝ ܐܳܦ݂ ܠܳܐ ܗܽܘ ܥܳܠܡܳܐ ܐܰܝܟ݂ ܕ݁ܣܳܒ݂ܰܪ ܐ̱ܢܳܐ ܣܳܦ݂ܷܩ ܗ̱ܘܳܐ ܠܰܟ݂ܬ݂ܳܒ݂ܷ̈ܐ ܕ݁ܡܷܬ݂ܟ݁ܰܬ݂ܒܻ݁ܝܢ ܗ̱ܘܰܘ܂

DICTIONARAM